யோகா ஆசிரியரின் பாலியல் அடிமைகள்!

யோகாசனம் பயில சென்ற மூன்று பெண்கள் பயிற்றுவிப்பாளர் ஒருவரால் கடந்த ஒரு மாதத்துக்கும் மேலாக பாலியல் அடிமைகள் போல் மலேசியாவில் நடத்தப்பட்டு உள்ளனர்.

இவர்களில் ஒருவர் கர்ப்பம் தரித்து விட்டார்.

யோகா ஆசிரியருக்கு வயது 54. பெண்களில் ஒருவருக்கு 20 வயது. மற்றவர்களுக்கு 16 வயது.

யோகா ஆசிரியர் வீட்டு அறை ஒன்றில் கட்டில் ஒன்றுடன் சேர்த்து இவர்களைக் கட்டிப் போட்டு இருக்கின்றார்.

தொடர்ச்சியாக பல தடவைகள் வல்லுறவுக்கு உட்படுத்தி இருக்கின்றார்.

பாலியல் ரீதியாக கொடுமைப்படுத்தி இருக்கின்றார்.

இப்பெண்களை கண்டு பிடிக்க பொலிஸார் தீவிர புலனாய்வு விசாரணைகளை முடுக்கி விட்டிருந்தனர்.

கடந்த புதன்கிழமை இவ்வீட்டை முற்றுகையிட்டு மூவரையும் மீட்டனர். 

யோகா ஆசிரியரைக் கைது செய்து நீதிமன்ற உத்தரவின் பேரில் விளக்கமறியலில் வைத்துள்ளனர்.

மூன்று பெண்களும் மருத்துவ பரிசோதனைகளுக்கு உட்படுத்தப்பட்டனர்.

ஒருவர் கர்ப்பம் தரித்து இருக்கின்றமை அப்போதுதான் உறுதிப்படுத்தப்பட்டிருக்கின்றது.

கர்ப்பம் தரித்து இருப்பவர் யார்? என்பது ஊடகங்களுக்கு வெளிப்படுத்தப்படவில்லை.