இரட்டைக் குழந்தைகளுக்கு தாய் ஆன ஆண்!

பிரித்தானியாவில் ஆண் ஒருவர் இரட்டைக் குழந்தைக்கு தாய் ஆன அதிசயம் கடந்த வாரம் இடம்பெற்று உள்ளது. Birmingham நகரத்தில் வாழும் 50 வயது ஆண்தான் Hilton Plettell. இவர் ஒரு விற்பனை முகாமையாளர். இவருக்கு Norwich வைத்தியசாலையில் இருந்து விநோத அழைப்பு ஒன்று வந்தது.  " நீங்கள் இரட்டைக் குழந்தைகளை வயிற்றில் சுமக்கின்றீர்கள் என்று நம்புகின்றோம். வைத்தியசாலைக்கு வந்து ஸ்கான் பண்ணி உறுதிப்படுத்திக் கொள்ளுங்கள். "

இந்த அழைப்பை பார்த்தமையுடன் அதிர்ச்சியும், சிரிப்பும் அடைந்தார் இவர். தகவல் அறிந்த நண்பர்களுக்கும் சிரித்தே களைத்து விட்டனர். ஆனால் இவரது பெயர், முகவரி, அடையாள அட்டை இலக்கம் ஆகியன சரியாகவே அழைப்பில் இடம்பெற்று இருந்தன.

கர்ப்பவதி போல் வேடம் இட்டுக் கொண்டு வைத்தியசாலைக்கு செல்ல சொல்லி இவரின் நண்பர்கள் சிலர் நக்கல் அடித்தனர்.இது வேண்டும் என்று நடக்கவில்லை---தெரியாமல் நடந்த ஒரு தவறுதான் என்று இவர் கூறி உள்ளார். வைத்தியசாலை வட்டாரம் தகவல் அறிந்த பின்னர் மன்னிப்புக் கோரி உள்ளது.