கணவனின் அன்பை சோதித்தவர் கம்பி எண்ணுகின்றார்!

கணவனின் பாசத்தை சோதிக்கின்றமைக்காக கடத்தப்பட்டவர் போல் நடித்த ஸ்பெய்ன் நாட்டு பெண் ஒருவர் அந்நாட்டு பொலிஸாரால் கைது செய்யப்பட்டு உள்ளார்.

இவர் கடத்தல்காரர்களில் ஒருவரைப் போல் கணவனுக்கு தகவல் அனுப்பி இருந்தார். கைகள், கால்கள் கட்டப்பட்ட சொந்தப் போட்டோ ஒன்றையும் அனுப்பி இருந்தார். 20,000 யூரோ கப்பம் கோரி இருந்தார். பொலிஸுக்கு முறையிடக் கூடாது என்றும் எச்சரித்து இருந்தார்.

ஆனால் கணவன் இந்த எச்சரிக்கையை புறக்கணித்தார். பொலிஸுக்கு முறையிட்டார்.

பொலிஸார் தீவிர புலனாய்வு விசாரணைகளை நடத்தினர். பெண்ணை நேற்று கண்டு பிடித்தனர்.

கணவனின் அன்பை சோதிக்கின்றமைக்காக கடத்தப்பட்டவர் போல் நடித்து இருந்தார் என்று பொலிஸாருக்கு இப்பெண் வாக்குமூலம் வழங்கினார்.

இதை அடுத்து இப்பெண்ணை பொலிஸார் கைது செய்து விளக்கமறியலில் போட்டு உள்ளார்கள்.